Եվրոպայի լիգայի խաղարկության շրջանակներում մեկնարկել է որակավորման առաջին փուլը։ Գյումրիի «Շիրակ»-ն այս փուլում հանդիպեց Գորիի «Դիլա»-ի հետ: Վրաստանի Գորի քաղաքում կայացած խաղում Վարդան Բիչախչյանի սաները նվազագույն հաշվով զիջեցին մրցակցին։ Խաղի միակ և հաղթական գոլի հեղինակ դարձավ Իրաքլի Մոդաբաձեն՝ «Շիրակ»-ի դարպասը գրավելով հանդիպման 36-րդ րոպեին։ Նշենք, որ թիմերի պատասխան հանդիպումը տեղի կունենա հուլիսի 7-ին՝ Գյումրիում: