Ոստիկանության Շենգավիթի բաժնի ծառայողները պարզել են հունիսի 28-ին Երևանյան լճում դժբախտ պատահարի հետևանքով ջրահեղձ եղած երիտասարդ տղայի ինքնությունը. տեղեկացնում է
shamshyan.com-ը։
Նա Հարավ-Արևմտյան թաղամասի բնակիչ, 27-ամյա Արման Մարգարյանն էր, ով աշխատում էր Երևանում գործող ակումբներից մեկում՝ բարմեն:
Հիշեցնենք` հունիսի 28-ին արտակարգ դեպք էր տեղի ունեցել Երևանում: Ժամը 14:20-ի սահմաններում ոստիկանության Շենգավիթի բաժին ահազանգ էր ստացվել, որ Երևանյան լճում քաղաքացի է ջրահեղձ եղել:
Փրկարարներն ու քննիչները Երևանյան լճի ափի մոտ գտնվող փայտե կառամատույցի վրա հայտնաբերել էին երիտասարդ տղայի բաճկոն, կոշիկներ, գումար, բանալիներ և այլ իրեր: Ըստ նախնական տեղեկությունների՝ երիտասարդ տղան իրեն նետել էր ջուրը, ինչի պատճառով էլ ջրահեղձ էր եղել: