Ինչպես տեղեկացնում է Ուկրաինայի նախագահի աշխատակազմի մամուլի ծառայությունը, Ուկրաինայի նախագահ Պյոտր Պորոշենկոն կինոռեժիսոր Ռոման Բալայանին «Ծառայությունների համար» առաջին աստիճանի շքանշան է շնորհել:
Ռոման Բալայանը ծնվել է 1941թ. ապրիլի 15-ին Լեռնային Ղարաբաղի Ներքին Հորաթաղ գյուղում: 1959-61թթ աշխատել է Ստեփանակերտի պետական դրամատիկական թատրոնում` որպես դերասան:
Որպես ռեժիսոր իր դեբյուտը նշել է 1973թ. «Ռոմաշկինի էֆեկտ» ֆիլմով:
Առավել հայտնի ֆիլմերից են` «Թռիչքներ երազում և արթմնի», «Համբույր», «Պահպանիր ինձ իմ թալիսման», «Առաջին սեր» և այլն: