Ազգային ժողովի դիմաց մեկնարկել է «Մենք ենք տերը մեր երկրի» նախաձեռնության անդամների կազմակերպած ակցիան, որի պահանջն է չեղարկել ՀՕՊ համաձայնագրի կնքումը ՌԴ-ի հետ:
«Ոտքի Հայաստան» շարժման անդամ Դավիթ Սանասարյանը լրագրողների հետ զրույցում տեղեկացրել է, որ ՀՕՊ համաձայնագրի կնքմանը պետք է դեմ լինի ողջ ժողովուրդը: «ՀՕՊ համաձայնագրի որոշումը կայացվում է մի պետության հետ, որին մենք համարում ենք դաշնակից, բայց Ռուսաստանն ավելի շատ դաշնակցային հարաբերություններ ունի Ադրբեջանի հետ: Մեր ժողովուրդն օր օրի սպասում է պատերազմի և ՌԴ-ին նման լիազորություններ տալն ազգային դավաճանություն է»,- ասել է Սանասարյանը:
«Մենք ենք տերը մեր երկրի» նախաձեռնության անդամ Վարդան Գերավետյանն էլ նշել է, որ սա Հայաստանի համար ճակատագրական որոշում է, և պետք է միասնական լինել:
Ավելի վաղ տեղեկացրել էինք, որ Ազգային ժողովում
մեկնարկել է արտահերթ նստաշրջան, որի ժամանակ կքննարկվի նաև ՀՕՊ համաձայնագիրը: