Մայր Աթոռ Սուրբ Էջմիածնում Հռոմի Ֆրանցիսկոս Պապն ու Գարեգին Երկրորդ կաթողիկոսը երկրպագուների ուղեկցությամբ շարժվեցին դեպի Վեհարան:
Նրանք քայլում էին հավատացյալների բազմության միջով, որոնք խոնարհվում և վանկարկում էին` Viva il Papa:
Հռոմի Պապն ու Ամենայն հայոց կաթողիկոսն օրհնություն էին տալիս վերջիններին` հիշեցնելով խաղաղության և հավատքի մեջ ապրելու անհրաժեշտությունը:
Հիշեցնենք, որ Հռոմի Պապը Հայաստանում է գտնվում եռօրյա այցով: Այսօր նրա այցի վերջին օրն է: Պատարագից հետո Սրբազան քահանայապետը մտադիր է այցելել Խոր Վիրապի սրբավայր, որտեղ ճգնել է Գրիգոր Լուսավորիչը: