Եվրոպայի առաջնության շրջանակներում տեղի ունեցավ 1/8 եզրափակչի Խորվաթիա – Պորտուգալիա հանդիպումը։ Լանսի «Ֆելիքս Բոլար» մարզադաշտում կայացած խաղում Պորտուգալիայի հավաքականը նվազագույն հաշվով հաղթեց Խորվաթիայի ընտրանուն՝ դուրս գալով ¼ եզրափակիչ փուլ։ Խաղի հիմնական ժամանակն ավարտվեց ոչ-ոքի՝ 0:0 հաշվով։ Լրացուցիչ ժամանակի 117-րդ րոպեին խաղի միակ և հաղթական գոլի հեղինակ դարձավ Ռիկարդու Կուարեժման՝ Կրիշտիանու Ռոնալդուի փոխանցումից հետո գրավելով մրցակցի դարպասը։