«Հռոմի Պապն անակնկալ կերպով հայտարարեց «ցեղասպանություն» բառը, որովհետև ուզում էր». Ֆեդերիկո Լոմբարդի
22:35, ուրբաթ, 24 հունիսի, 2016 թ.
 «Բոլորդ երևի նկատեցիք, որ Պապն իր ելույթում այսօր օգտագործեց «ցեղասպանություն» բառը: Պապը ոչ միայն արտասանեց «ցեղասպանություն» բառը, այլ նաև նախադասության վերջում ավելացրեց, որ այս ողբերգությունը, ցեղասպանությունն առաջինն էր նախորդ դարի աղետալի միջադեպերի շարքում, որը կրոնական, գաղափարախոսական ու ռասայական էր: Սա նկարագիր է, թե ինչ է իրենից ներկայացնում ցեղասպանությունը: Անցյալ դարի սոսկալի ողբերգությունների հետ կապված մեծ տերություններն իրենց պատասխանատվության բաժինը չեն ընդունել: Պապն իր խոսքում հստակ ասաց նաև, որ Հայոց ցեղասպանությունն առաջինն էր 20-րդ դարում, որին հետևեցին մի շարք այլ ցեղասպանություններ, մասնավորապես՝ նացիզմի ու սովետների ոճրագործությունները: Այսինքն՝ Պապն ասաց, որ մյուս երկուսը ֆաշիզմն ու խորհրդային ռեժիմն էր»,- նշեց նա: Ֆեդերիկո Լոմբարդին խոստովանեց, որ Պապի նախնական ելույթում «ցեղասպանություն» բառը չկար, բայց վերջինս անակնկալ կերպով հայտարարեց, որովհետև ուզում էր: Ինչպես «շոան» հրեաների համար, այնպես էլ «Մեծ Եղեռնը» հայ ժողովուրդի կողմից օգտագործվող դասական բառակապակցությունն է: «Մինչդեռ, «ցեղասպանություն» բառը հստակ ամփոփում է իրողությունը: Հենց նույն նախադասության մեջ Պապն օգտագործեց երկուսն էլ: Նա ասաց և բացատրեց, թե ինչ է ցեղասպանությունը: Բոլորը գիտեն, որ դա իրականություն էր: Պապը նախկինում բազմիցս հաստատել է: Մենք երբևէ չենք ժխտել, որ դա իրականությունն է: Մի քանի շաբաթ առաջ Միջին Արևելքում ապրող քրիստոնյաների խնդիրներին նվիրված զրույցի ժամանակ, Պապն ասաց, որ ինքը նախընտրում է օգտագործել «ցեղասպանություն» բառը, որովհետև քաղաքականապես լիցքավորված բառ է»,- եղրափակեց Լոմբարդին: |
3345 | 1
