Մեծ Բրիտանիայում ավարտվել է Եվրոպական միության կազմից դուրս գալու հարցով հանրաքվեն:
Նախնական արդյունքների համաձայն` 16,7 մլն բրիտանացի քվեարկել է ԵՄ-ն լքելու օգտին` 52%-ը, մնալու օգտին քվեարկել է ընտրողների 48%-ը:
Ինչպես փոխանցում է Reuters գործակալությունը՝ Մեծ Բրիտանիայի վարչապետ Դևիդ Քեմերոնը` ԵՄ-ից երկրի դուրս գալու հարցով հանրաքվեի արդյունքների հայտարարումից հետո, հայտարարել է, որ մինչև տարեվերջ կլքի իր պաշտոնը:
«Ես չեմ կարծում, որ ճիշտ կլինի, եթե ես մնամ կապիտան, որը մեր երկիրը տանում է իր հաջորդ նշանակետ»,- նշել է նա: