Ինչպես ընտրել ճիշտ` առանց պարարտանյութերի ձմերուկ
 Ձմերուկ գնելու լավագույն ժամանակը համարվում է օգոստոսի վերջը կամ սեպտեմբերի սկիզբը: Դա այն ճիշտ ժամանակն է, երբ ցանկացած միրգ հասունանում է ինքնուրույն, ոչ թե քիմիական նյութերով: Այսօր շատ հողագործներ անհաս պտուղները պարարտացնում են քիմիական նյութերով, որոնք վտանգավոր են մարդու առողջության համար: Այս նպատակով հիմնականում գործածվում են ազոտային պարարտանյութեր` նիտրատներ, որոնք հողից շատ արագ անցնում են ձմերուկի միջուկի մեջ: Նիտրատները կարող են մինչև իսկ օնկոլոգիական հիվանդություններ առաջացնել: Ուստի ձմերուկի ընտրության հարցում հարկավոր է շատ հետևողական լինել: Մասնագետների բնորոշմամբ, եթե ձմերուկը հագեցած է նիտրատներով, այն պետք է ունենա հետևյալ դրսևորումները. միջուկի ինտենսիվ կարմիր գույն` մանուշակագույն երանգավորմամբ, միջուկից դեպի կեղևը գնացող թելիկների ոչ թե սպիտակ, ինչպես հարկն է, այլ դեղնավուն երանգ, «սխալ» ձմերուկի կտրված մակերեսը հարթ և փայլուն է, դա նշանակում է, որ այդ ձմերուկը չի տեսել արևի բավարար ջերմություն ոչ քաղցր է, ոչ` հյութեղ, իսկ «ճիշտ» ձմերուկինը շողշողում է մանր անհարթություններով, դա էլ նշանակում է, որ հասունացել է ժամանակին և հենց ձեր ուզածն է: |
