Շեվշաուենը Մարոկկոյի հյուսիսում տեղակայված փոքրիկ քաղաք է: Այն հայտնի է իր հարուստ պատմությամբ, գեղեցիկ բնությամբ և հոյակերտ ճարտարապետությամբ: Սակայն քաղաքն ամբողջ աշխարհում հայտնի է իր արտասովոր, կապույտ երանգով, որով ներկված են հատկապես «Հին քաղաքի»՝ Մեդինայի շենքերն ու փողոցները:
Քաղաքը կապույտով ներկելու միտումն այստեղ սկսվել է 1930 թվականից, երբ այստեղ են եկել առաջին հրեա փախստականները: Նրանք կապույտ գույնը համարել են երկնքի խորհրդանիշ: Քաղաքացիները նաև կարծում, են, որ կապույտ երանգը հեռու է վանում մոծակներին ու գրավում է զբոսաշրջիկներին: