ԼՂՀ ՊԲ նախկին հրամանատար Սամվել Բաբայանը թե՛ հարցազրույցների, թե՛ արցախցիների հետ հանդիպումների ժամանակ բազմիցս հայտարարել է, որ չի պատրաստվում վերադառնալ ակտիվ քաղաքականություն: Ասում են` նրա այդ հայտարարությունները քարոզչական հնարք է, որի գաղափարակիցներն են Ռոբերտ Քոչարյանն ու Վարդան Օսկանյանը: Ըստ լուրերի` Բաբայանի վերադարձը պայմանավորված է Քոչարյանի ակտիվացմամբ և քաղաքական լուրջ հավակնություններով: Ասում են նաև, որ Բաբայանի միջոցով փորձ է արվելու վերականգնել ՀՀ երկրորդ նախագահի հեղինակությունն ու հող նախապատրաստել նրա վերադարձի համար: