Հունիսի 1-ը Երեխաների պաշտպանության օրն է: Այն ամենահին միջազգային տոներից է: Հունիսի 1-ը Երեխաների պաշտպանության միջազգային օր է սահմանվել 1925-ին՝ Ժնևում տեղի ունեցած «Երեխաների բարեկեցության» համաշխարհային կոնֆերանսի ժամանակ:
1949-ին Կանանց ժողովրդավարական միջազգային դաշինքը երեխաների օր անցկացնելու որոշում է ընդունում: 1959-ին ՄԱԿ-ի Գլխավոր ասամբլեայի կողմից ընդունվում է Երեխաների իրավունքների հռչակագիրը, իսկ 1989-ին՝ Երեխաների իրավունքների կոնվենցիան, որով երեխաները համարվում են խոցելի հատուկ խումբ: Հայաստանն այդ կոնվենցիան վավերացրել է 1992-ին, որից հետո՝ 1996-ին, ընդունվել է Երեխայի իրավունքների մասին ՀՀ օրենքը: