Ռուսական «Սբերբանկ»-ի ղեկավար Հերման Գրեֆը խոսել է Ռուսաստանի պետական կառավարման մասին ու որպես լավագույն բնութագրում մեջբերել է Ռուսաստանի նախկին վարչապետ Վիկտոր Չերնոմիրդինի խոսքերը. «Ուզում էինք, որ լավ լինի, բայց ստացվեց ինչպես միշտ»: «Նախագահն առաջ է քաշում խնդիրներ, հետո դրանք մշակվում են կառավարության կողմից, այնուհետև դրանք ուղղվում են նախարարություններ, իջեցվում համապատասխան գերատեսչություններ և տարածաշրջաններ, ու մինչ հասնում է իրականացման փուլը, վախենամ, նախագահն ինքը չի իմանում, թե ինչպես են դրանք իրականացվում, ու այն ընդհանուր ոչինչ չի ունենում այն խնդիրների հետ, որ առաջ է քաշել նախագահը: Ահա դա է խնդիրը»,- ասել է Գրեֆը:
Նա հորդորում է ստեղծել պետական կառավարման այնպիսի համակարգ, որ ասվածի ու իրականացվածի միջև ոչ մի խզվածք չլինի, որպեսզի պետական ողջ ապարատն աշխատեր հստակ` առաջ քաշված խնդրին համապատասխան:
Գրեֆը նաև հայտարարել է, որ Ռուսաստանը ետ է մնում, բայց դեռ «անհույս չէ»: