Հայաստանյան բանկերն, ըստ ԱՎԱՆԴ.am-ի, ֆիզիկական անձանց ներգրավող դրամային ավանդատեսակների հետևյալ առաջարկներն են ներկայացնում.
Ամենաբարձր տոկոսադրույքով դրամային ավանդն առաջարկում է «Հայ Բիզնես Բանկ»-ը` «Հաղթանակ» ավանդատեսակի եկամտաբերությունը կազմում է 15.5%: Նույն բանկում գործում է նաև «Մանկիկ» ավանդատեսակը` դարձյալ 15.5% եկամտաբերությամբ:
15% եկամտաբերությամբ ավանդ ֆիզիկական անձանցից ընդունում է «Արցախ Բանկ»-ը, ավանդի անվանումն է «Ազատ Արցախ»:
15% եկամտաբերությամբ ավանդներ ընդունվում են նաև «Յունիբանկ»-ում` ավանդ «AMD/RUR», «Անելիք բանկ»-ում` ավանդ «Ապահով» և «ՀայԲիզնեսԲանկ»-ում` ավանդ «Հատուկ առաջարկ»:
14.5% առավելագույն եկամտաբերությամբ ավանդներ ներգրավում է «ՎՏԲ Հայաստան Բանկ»-ն` ավանդ «Շահավետ»: «Շահավետ» անվամբ և դարձյակ 14.5% եկամտաբերությամբ ավանդ ընդունվում է «Հայ Բիզնես Բանկ»-ում:
Հայկական բանկերում Ֆիզիկական անձանց առաջարկվող դրամային մյուս ավանդատեսակներին ու դրանց պայմաններին ծանոթանալու համար` այցելեք այստեղ:
Իսկ համաձայն ֆիզիկական անձանց առաջարկվող դրամային ավանդների եկամտաբերության` բանկերի վարկանիշային աղյուսակը գլխավորում է «Յունիբանկ»-ը: