Ինչպես արդեն
տեղեկացրել ենք, մայիսի 29-ին հանկարծամահ է եղել զինծառայող, 1997թ. ծնված Սուրեն Արմենի Մոսիյանը:
Մեզ հաջողվեց պարզել, որ զինծառայողն Արարատի մարզի Արտաշատ քաղաքացի էր: Արտաշատի փոխքաղաքապետ Իսահակ Գրիգորյանը
MAMUL.am-ի թղթակցի հետ զրույցում ասաց. «Մինչ բանակ գնալը, որևէ խնդիր չի ունեցել, այնտեղ էլ է իրեն լավ զգացել, ասում են` միանգամից է մահը վրա հասել: Սկզբում սրտխառնոց ու գլխապտույտ է ունեցել»:
Նա տեղեկացրեց, որ ընտանիքը սոցիալապես ծանր պայմաններում է ապրում. «Սուրենը մոր, եղբոր ու քրոջ հետ բնակվում էր Արտաշատում, Բաքվից գաղթած փախստականի ընտանիքից էր: Նպաստ էին ստանում, Սուրենն էլ տան փոքրն էր, մեկ տարի հետո պետք է զորացրվեր»: