Իրադարձություններ

     Սարդարապատում Հայաստանի Առաջին հանրապետության 98-րդ տարեդարձին նվիրված տոնակատարության ժամանակ, լրագրողների հետ զրույցում, ՀՅԴ Բյուրոյի ներկայացուցիչ Հրանտ Մարգարյանն` անդրադառնալով Սամվել Բաբայանի վերդարձին ասել է. «Վերադարձել է, լավ է արել: Ես չեմ կարծում, որ այս ժամանակները սուպերմենների կարիք ունի, սուպերմենների ժամանակաշրջանն անցել է»:
     Լրագրողները նրանից հետաքրքրվել են նաև իր կուսակից, Արցախի փոխվարչապետ Արթուր Աղաբեկյանի հրաժարականի մասին. «Բնական եմ համարում, որ նա որոշել է հեռանալ ակտիվ քաղաքականությունից: Նրա հետ անձամբ այդ մասին չեմ խոսել»:
    
     Ավելի վաղ հայտնել էինք, որ մայիսի 23-ին, Արթուր Աղաբեկյանը Facebook-ի իր էջում գրառում էր արել, որ ցանկություն ունի 2017թ. առաջին եռամսյակին թողնել պետական և քաղաքական գործունեությունը՝ ավելի շատ ժամանակ հատկացնելով ընտանիքին և բարեգործական ծրագրերին»: