Երևանի Կենտրոն և Նորք Մարաշ վարչական շրջանների ընդհանուր իրավասության դատարանը քիչ առաջ արդարացրեց ապօրինի ռազմամթերք պահելու մեջ մեղադրվող դերասան Գոռ Վարդանյանին: Գոռի պաշտպանը` Նաիրա Պետրոսյանը
MAMUL.am-ի թղթակցի հետ զրույցում տեղեկացրեց, որ դատախազը հրաժարվել է մեղադրանքից. «Իմ պաշտպանյալը արադացվեց, քանի որ դատախազը հրաժարվեց մեղադրանքից, բացի այդ` առաջադրված մեղադրանքն անհիմն էր և բավարար ապացույցներ չունեին»:
Հիշեցնենք, որ ըստ մեղադրական եզրակացության՝ Գոռ Վարդանյանն ուղղակի առնչություն է ունեցել «Դյուքենդո հայկական ֆեդերացիա» անվամբ հասարակական կազմակերպության հետ: Գոռ Վարդանյանը քննությամբ չպարզված անձից նույն ժամանակահատվածում ապօրինի կերպով ձեռք է բերել և նույն ՀԿ-ի կողմից օգտագործվող տարածքում, մինչև խուզարկությամբ ՀՀ ոստիկանության աշխատակիցների կողմից հայտնաբերելը, պահել է ռազմամթերք: Գոռ Վարդանյանին մեղադրանք է առաջադրվել Քրեական օրենսգրքի 235-րդ հոդվածի 1-ին մասով: Խափանման միջոց է ընտրվել ստորագրություն չհեռանալու մասին: