ԱՄՆ-ի հակադոպինգային գործակալության՝ USADA-ի նախագահ Թրևիս Թայգարթը հանդես է եկել հայտարարությամբ՝ ռուս մարզիկներին միջազգային բոլոր մրցումներից հեռացնելու մասին։ Նրա խոսքով՝ Ռուսաստանը պետք է WADA-ի՝ ռուս մարզիկների՝ դոպինգ օգտագործելու հանգամանքները պարզող հանձնաժողովի նախագահ Ռիչարդ Մքլարենի հետ համագործակցության երաշխիքներ տրամադրի։ «Ռուսաստանը չի կարող հանդես գալ մրցաշարերին, եթե հրաժարվի WADA-ի աշխատակիցներին՝ մարզիկներին հետազոտելու լիակատար թույլտվություն տրամադրել»,- նշել է Թայգարթը։