Բրազիլիայի ազգային հավաքականի և «Բարսելոնա»-ի պաշտպան Դանի Ալվեսը համաձայնության է եկել Թուրինի «Յուվենթուս»-ի հետ։ Բրազիլացի ֆուտբոլիստը մտադիր է օգտագործել իր պայմանագրի կետը, որի համաձայն մինչև 2016-ի հունիսի 5-ը նա իրավունք ունի խզել «Բարսելոնա»-ի հետ պայմանագիրը, որն ուժի մեջ է մինչև 2017-ի հունիսի 30-ը։ «Յուվենթուս»-ի հետ բանակցություններն Ալվեսն սկսել է ապրիլի վերջին, իսկ վերջնական պայմանավորվածության հասել են Իսպանիայի գավաթի եզրափակչից առաջ։ Ալվեսը «Յուվենթուս» կտեղափոխվի ազատ գործակալի կարգավիճակով և թիմի հետ երեք տարվա պայմանագիր կկնքի։