Եվրոմիության անդամ երկրները խոչընդոտների են բախվում Ռուսաստանի հանդեպ պատժամիջոցների երկարաձգման շուրջ բանակցությունների ժամանակ: Այս մասին հայտարարել է Գերմանիայի Արտաքին գործերի նախարար Ֆրանկ Վալտեր Շտայնմայերը: «Մենք կարծում ենք, որ Եվրոմիությունում խորացել է տարաձայնությունը Ռուսաստանի հանդեպ պատժամիոցների երկարաձգման հարցում»,- ասել է նախարարը: Նա հավելել է, որ ընդհանուր դիրքորաշման հասնելն ավելի դժվար է լինելու, քան նախորդ տարի էր:
Շտայնմայերը հավաստիացրել է, որ Բեռլինը Ռուսաստանի հանդեպ պատժամիջոցների երկարաձգումը կապում է Մինսկի համաձայնագրի կետերի իրականացման հետ: Նա կարևորել է այն, որ Եվրոպան միասնական լինի այդ հարցի շուրջ: