Իրադարձություններ

     ՀՀ էկոնոմիկայի նախարար Արծվիկ Մինասյանը կառավարության նիստից հետո լրագրողների հետ զրույցում տեղեկացրեց, որ հաջորդ շաբաթ արդեն կներկայացնի Հայաստանում մենաշնորհների մասին զեկույցը: Նախարարի խոսքով՝ այս փուլում առանձնացվել են 10 ապրանքատեսակներ, որոնք մեծ պահանջարկ ունեն հանրության շրջանում և դիտարկվում են մենաշնորհային ոլորտներ: Դրանք են՝ շաքարավազը, բենզինը, դիզվառելիքը, կարագը, ալյուրը, թռչնի միսը՝ ներառյալ հավի միսը, բանանը, ցիտրուսային մրգերը և այլն: Վերջինը անդրադառնալով ծառայողական մեքենաների կրճատումներին տեղեկացրեց, որ էկոնոմիկայի նախարարությունում կրճատվել է ծառայողական 9 ավտոմեքենա: Հարցին՝ կադրային կրճատումներ եղե՞լ են, նախարարը պատասխանեց. «Ստեղծված է աշխատանքային խումբ, աշխատանքային խումբն ուսումնասիրում է առաջին հերթին նախարարության գործառույթներն ու կառուցվածքը: Այն, որ էկոնոմիկայի նախարարությունը կարիք ունի կառուցվածքային լուրջ վերանայումների, ես՝ որպես նախարար, ներկայումս գտնում եմ, որ կա այդ կարիքը»: