Խնդրում ենք սպասել...

Իրադարձություններ

Վարչապետը խոստացել է ԿԲ-ի հետ քննարկել կարկտահարությունից տուժած գյուղացիների վարկերի մարման հետաձգման հարցը

20:55, երեքշաբթի, 24 մայիսի, 2016 թ.
Վարչապետը խոստացել է ԿԲ-ի հետ քննարկել կարկտահարությունից տուժած գյուղացիների վարկերի մարման հետաձգման հարցը

Վարչապետ Հովիկ Աբրահամյանն այցելել է կարկտահարությունից տուժած Արմավիրի մարզի Տանձուտ, Արևիկ, Եղեգնուտ և Արտաշար համայնքներ: Կառավարության ղեկավարը եղել է կարկտահարված դաշտերում, ծանոթացել տեղացած կարկուտի պատճառած վնասներին, զրուցել գյուղացիների հետ, լսել նրանց մտահոգությունները ստեղծված իրավիճակի վերաբերյալ:

Այս մասին հայտնում են ՀՀ կառավարության լրատվական ծառայությունից։


     Վարչապետը հանձնարարել է Արմավիրի մարզում հնարավորինս սեղմ ժամկետներում տեղադրել լրացուցիչ հակակարկտային կայաններ: Գյուղացիների խնդրանքին ի պատասխան՝ Հովիկ Աբրահամյանը խոստացել է Կենտրոնական բանկի հետ քննարկել կարկտահարությունից տուժած գյուղացիական տնտեսությունների՝ բանկերին ունեցած վարկերի մարման հետաձգման հարցը:


     Կառավարության ղեկավարը պատասխանել է նաև բնակիչներին հետաքրքրող մի շարք հարցերի, որոնք վերաբերել են գյուղատնտեսական աշխատանքների ընթացքին, մթերումների կազմակերպմանը, համայնքների ենթակառուցվածքներին և այլ խնդիրների:
    
    
     Հիշեցնենք` երեկ Երևանում տեղի ունեցած ուժգին փոթորկի հետևանքով փլվել են շենքերի տանիքներ, կոտրվեր ծառերի ճյուղեր: Ուժգին քամու պատճառով մի շարք շրջաններում կարճ ժամանակով խափանվել էր էլեկտրամատակարարումը:


     Արմավիրի մարզում տեղացած կարկուտը մեծ վնաս է հասցրել գյուղացիական տնտեսություններին: Տեղաբնակները MAMUL.am-ի թղթակցի հետ գանգատվել էին որ ոչնչացել է իրենց վերջին եկամտի աղբյուրը` նշելով, որ միակ հույսը Կառավարության կողմից փոխհատուցում ստանալն է:
2211 | 1
Facebook