Վերջին 5 տարիներին ամառային բուսականության ծավալներն Արկտիկայում կրճատվել են, գրում է tass-ը` մեջբերելով գիտնականների եզրակացությունները: Բուսածածկույթի գույնը կանաչից փոխվում է դարչնագույնի ու մոխրագույնի: Ամերիկացի մասնագետներն այդ երևույթը բացատրել են Երկիր մոլորակի կլիմայի գլոբալ տաքացմամբ: Հատկապես վերջին տարիներին բուսածածկույթը դարձել է շագանակագույն, իսկ կանաչ տերևների քանակը պակասել է: Իսկ ահա վերջին 30 տարիների ընթացքում արկտիկական կլիմայի տաքացման հետևանքով զգալի ավելացել է Կանադայի, Նորվեգիայի ու Ռուսաստանի բևեռային շրջանների, ինչպես նաև Գրենլանդիա կղզու կանաչ բուսականության աճը: