Երեկ ուշ երեկոյան Մադրիդի «Սանտյագո Բերնաբեու» մարզադաշտում կայացավ Չեմպիոնների լիգայի կիսաեզրափակիչ պատասխան հանդիպումը՝ «Ռեալ» - «Մանչեսթր Սիթի» մրցավեճը։ «Ռեալ»-ը հաղթեց 1։0 հաշվով՝ դուրս գալով Չեմպիոնների լիգայի եզրափակիչ։ Հիշեցնենք, որ թիմերի առաջին հանդիպումն ավարտվել էր ոչ-ոքի՝ 0։0 հաշվով։
Հանդիպման 20-րդ րոպեին խփվեց խաղի միակ և հաղթական գոլը։ «Ռեալ»-ի կիսապաշտպան Գարեթ Բեյլի հարվածից հետո գնդակը դիպավ «Մանչեսթր Սիթի»-ի կիսապաշտպան Ֆերնանդինյոյին և անդրադարձով հայտնվեց դարպասում։
Այսպիսով, «Ռեալ»-ը հաղթեց «Մանչեսթր Սիթի»-ին և եզրափակչում կհանդիպի Մադրիդի «Աթլետիկո»-ին։