Թերթերի տեսություն

     «Իրատես»-ը գրում է. «Ասում են, թե որոշ հայ գործարարներ այնքան խարդախ են իրենց բիզնեսն առաջ տանում, որ դրսում ոչ ոք չի ցանկանում նրանց հետ գործ բռնել: ԱԺ ՀՀԿ խմբակցության անդամներից մեկը, ով զբաղվում է գործարարությամբ և ոչ օրենսդրական աշխատանքով, ասում են, վերջերս ցանկացել է համագործակցել քուրդ խոշոր գործարարների հետ, բայց վերջին պահին, գործարքը կնքելիս, «թռել» է: Քրդերը զարմացած են մնացել, որ հնարավոր է գործարքի գնալ` խաբելով «պարտնյորներից» մեկին»: