Անգլիայի չեմպիոն հռչակվելու դեպքում «Լեսթեր»-ը կվաստակի 93 մլն ֆունտ սթերլինգ (135,8 մլն դոլար) հեռարձակման իրավունքի վաճառքից։ Այս մասին գրում է բրիտանական մամուլը։ Նշենք, որ Պրեմիեր լիգայի յուրաքանչյուր ակումբ կստանա մոտ 54 մլն ֆունտ սթերլինգ՝ կախված զբաղեցրած հորիզոնականից և ուղիղ եթերում ցույց տված հանդիպումների թվից։
Հիշեցնենք, որ անցած մրցաշրջանը «Լեսթեր»-ն ավարտել է 14-րդ հորիզոնականում և ստացել է 72 մլն ֆունտ սթերլինգ (105,2 մլն դոլար)։ Բացի այդ, ակումբը խոշոր պարգևավճար կստանա Չեմպիոնների լիգայի խաղարկություն դուրս գալու համար։ Նշենք նաև, որ այդ պահին «Լեսթեր»-ը 76 միավորով գլխավորում է մրցաշարային աղյուսակը։