Երկու ականապատ ավտոմեքենա է պայթել հարավային Իրաքի Էս-Սամավա քաղաքում, ինչի հետևանքով զոհվել է առնվազն ութ մարդ, 16-ը` վիրավորվել, հայտնում է «Reuters» գործակալությունը:
Ինչպես գործակալությանն է հայտնել ոստիկանության աշխատակիցը, առաջին պայթյունը տեղի է ունեցել վարչական շենքի մոտ, իսկ երկրորդը` ավտոբուսի կանգառների մոտակայքում: Նրա խոսքով, զոհերի տվյալները նախնական են, վիրավորներից շատերի վիճակն էլ ծանր է:
Հաղորդվում է, որ բնակչության մեծամասնությունը շիաներ են:
Միջադեպի համար պատասխանատվություն դեռևս հանձն չի առել ահաբեկչական ոչ մի խմբավորում: Անվտանգության իրավիճակն Իրաքում շարունակում է մնալ լարված` «Իսլամական պետության» գործունեության շնորհիվ: