Խնդրում ենք սպասել...

Իրադարձություններ

«Առաջին ներդրողը պետք է լիներ Սերժ Սարգսյանը` սպառազինությունների գնման հիմնադրամում ներդնելով 100 միլիոն դոլար». Զարուհի Փոստանջյան

12:45, ուրբաթ, 29 ապրիլի, 2016 թ.
«Առաջին ներդրողը պետք է լիներ Սերժ Սարգսյանը` սպառազինությունների գնման հիմնադրամում ներդնելով 100 միլիոն դոլար». Զարուհի Փոստանջյան

«Այս ձախողումը հավասարազոր է դավաճանության։ Մենք պիտի այլընտրանք փնտրեինք, օրինակ, ռուսական զենքին, որը դեռ տեղ չի հասել։ Սպառազինությունների գնման հիմնադրամում գումար չկա։ Այդ գումարներն ունեն մեր պաշտոնյաները։ Առաջին ներդրողը պետք է լիներ Սերժ Սարգսյանը և նա պետք է ներդներ այդ հիմնադրամում 100 միլիոն դոլար»,- այսօր ԱԺ ճեպազրույցների ժամանակ` անդրադառնալով առաջնագծում տեղի ունեցող պատերազմական գործողություններին, քաղաքական դաշտի «ձախողումներին» ասել է ԱԺ «Ժառանգություն» խմբակցության պատգամավոր Զարուհի Փոստանջյանը: Նա հավելել է, որ սահմանագոտում առկա իրավիճակը ցույց տվեց, որ չունենք դաշնակիցներ. «Եվ այն հավատը, թե դաշնակիցները թույլ չեն տա, որ պատերազմ սկսվի, հասկանալի դարձավ, որ այս թեզը ևս սնանկ է, և չի համապատասխանում իրականությանը»,- նշել է նա` ընդգծելով, որ մենք հույսը պետք է մեզ վրա դնենք:

Փոստանջյանի կարծիքով, այս պահին պետք է ճանաչված լիներ Արցախի Հանրապետությունը և քայլեր ձեռնարկվեին, որ այն ճանաչվեր այլ պետությունների կողմից:

5310 | 3
Facebook