Ա. Սպենդիարյանի անվան Օպերայի և բալետի ազգային ակադեմիական թատրոնում կայացավ աշխարհահռչակ դիրիժոր Վլադիմիր Սպիվակովի և «Մոսկվայի վիրտուոզներ» նվագախմբի երևանյան համերգը: «Արամ Խաչատրյան» համերգասրահում նրանք հայ հանդիսատեսին ներկայացան լեփ-լեցուն դահլիճում: Համերգի ընթացքում հնչեցին Չայկովսկու, Շոստակովիչի, Մոցարտի, Բոկերինիի, ստեղծագործությունները:
Հիշեցնենք` վերջին անգամ Վլադիմիր Սպիվակովը Հայաստան էր եկել 2015-ի ապրիլին` իր ղեկավարած Ռուսաստանի ազգային ֆիլհարմոնիկ նվագախմբի հետ և անցկացրել էր «Վլադիմիր Սպիվակովը հրավիրում է» խորագրով փառատոն՝ նվիրված Հայոց ցեղասպանության 100-րդ տարելիցին: «Դուք աշխարհի լույսն եք, աստղերն եք, մաքրության տաճար եք, ձեզնից յուրաքանչյուրում տիեզերք է»,- ասել էր նա:
Լուսանկարներն` Անի Դարբինյանի