Երեկ առավոտյան Մարտունու՝ հրետանակոծման ենթարկված դպրոցի բակում թշնամու կրակից զոհվել էր 12-ամյա Վաղինակ Գրիգորյանը: Նույն դպրոցի աշակերտներ Վարդան Անդրեասյանի (ծն. 19.12.2004թ., աջ ազդրոսկրի բազմաբեկորային վնասվածք) և Գևորգ Գրիգորյանի (ծն. 07.09.2005թ., աջ ազդրի փափուկ հյուսվածքների վնասվածք) վիճակը գնահատվում է կայուն ծանր: Նրանք գտնվում են ԼՂՀ ԱՆ «Արևիկ» մանկական բուժհաստատությունում: Նշենք, որ Վաղինակը և Գևորգը եղբայրներ էին:
Այսօր հրապարակվել են թշնամու թիրախում հայտնված դպրոցի կադրերը: