Մեր օրերում երեխաների հագուստների ամենատարածված գույներն աղջիկների համար վարդագույնն է, տղաների համար` կապույտը։ Երանգների այդ տարբերակումը առաջացել է Եվրոպայում և ԱՄՆ-ում 1940-ական թվականներին։ Մինչ այդ ծնողները հագուստ ընտրելիս չեն առաջնորդվել երեխայի սեռով, այլ հաշվի են առել` օրինակ աչքերի կամ մազերի գույնը։ Ավելին` 1918թ. լույս տեսած «Էրնշոու» մանկական ամսագրում խորհուրդ էր տրվում տղաներին հագցնել վարդագույն, իսկ աղջիկներին` կապույտ հագուստներ, քանզի վարդագույնը ավելի ուժեղ ու ամուր գույն է համարվել, իսկ կապույտը` նրբագեղ, եթերային։