«Առաջին անգամ եմ Հայաստանում, բայց ոչ վերջին». Էլաջ Բալդեն վարպետության դաս անցկացրեց հայ գեղասահորդների համար
21:54, չորեքշաբթի, 02 մարտի, 2016 թ.
 Օլիմպիական խաղերի կրկնակի, աշխարհի և Եվրոպայի բազմակի չեմպիոն Եվգենի Պլյուշչենկոյի մենեջեր Արի Զաքարյանը նշեց, որ բարձրակարգ սահադաշտ ունենալը մեծ հնարավորություններ է տալիս հայկական գեղասահքին․ «Հոյակապ սահադաշտ ունենք։ Ուզում եմ, որ գեղասահքը Հայաստանում զարգանա։ Այս պայմանները թույլ են տալիս լավ մարզվել։ Կարող ենք նաև հավաքներ անցնկացնել արտերկրի ուժեղագույն հավաքականների հետ»,- նշեց նա։ Ավելի քան 1 ժամ տևած վարպետության դասից հետո մարզադպրոցի սաները շատ ոգևորված էին։ Մեր թղթակցի հետ զրույցում երեխաներն ասացին, որ նման մակարդակի մարզիկի հետ շփվելը մեծ պատիվ է նրանց համար։ Վարպետության դասի վերջում Բալդեն կատարեց իր այցեքարտ դարձած սալտոն, որն աշխարհում միայն նա է կատարում։ Հրաժեշտից առաջ կանադացի մարզիկը նշեց, որ Հայաստանը նրան շատ է դուր եկել։ Այսօր մարզիկը մեկնել է Խոր Վիրապ, իսկ վաղն այցելելու է Սևանը։ Նա նշեց, որ անպայման վերադառնալու է Հայաստան․ «Առաջին անգամ եմ Հայաստանում, բայց ոչ վերջին։ Խոստանում եմ»։ |
5814 | 0
