Սիրիայի հյուսիսում ռուսական օդուժի կողմից մարդասիրական օբյեկտների ռմբակոծումը մեկնաբանելով` Թուրքիան ռազմական հանցագործություն է որակել այն: Այս մասին հայտարարություն է տեղադրվել Թուրքիայի Արտաքին գործերի նախարարության պաշտոնական կայքում:
Հայտարարության մեջ նշվում է, որ Սիրիայի աջակցության խումբը մի քանի օր առաջ Մյունխենում հայտարարել էր, որ իր նպատակը Սիրիայում պատերազմի դադարեցումն է, բայց Մոսկվան որոշել է ուժեղացնել հարձակումները: Նշվում է նաև, որ Ռուսաստանը ձգտում է խորացնել Սիրիայում քաղաքացիական պատերազմն ու անկայունությունը տարածաշրջանում:
Սպիտակ տունն իր հերթին Մոսկվայի գործողութուններն անարդյունավետ է որակել:
Ռուսաստանի իշխանությունները, սակայն, բազմիցս հայտարարել են, որ օդային հարվածներ են հասցնում միայն ահաբեկիչների դիրքերի ուղղությամբ:
Հիշեցնենք, որ ՄԱԿ-ի տվյալներով` հիվանդանոցների ու դպրոցների հրթիռակոծությունների արդյունքում Սիրիայում շուրջ 50 մարդ է զոհվել: