Միջազգային

ՌԴ վարչապետ Դմիտրի Մեդվեդևը Մյունխենում անվտանգության հարցերով կոնֆերանսի ժամանակ հերքել է Արևմուտքի այն հայտարությունները, թե իբր Ռուսաստանը Սիրիայում ռմբակոծում է խաղաղ բնակիչներին: Այս մասին գրում է Reuters-ը:

«Ոչ մի ապացույց չկա, որ մենք ռմբակոծում ենք խաղաղ բնակիչներին, չնայած որ բոլորը մեզ մեղադրում են դրա համար: Ռուսաստանը ոչ մի գաղտնի նպատակներ չունի Սիրիայում, մենք պարզապես փորձում ենք պաշտպանել մեր ազգային շահերը»,- հայտարարել է Մեդվեդևը:

Նշենք, որ նույն կոնֆերանսի ժամանակ Ֆրանսիայի վարչապետ Մանուել Վալսը կրկին մեղադրել էր Ռուսաստանին սիրիացի ժողովրդին պանելու համար: «Մենք հարգում ենք Ռուսաստանին և վերջինի ազգային շահերը: Սակայն բոլորս էլ գիտակցում ենք, որ Սիրիայում խաղաղություն հաստատելու համար Ռուաստանը նախևառաջ պետք է դադարեցնի ռմբակոծել խաղաղ բնակիչներին»,- նծել էր Վալսը: