Թուրքիայի արտգործնախարար Մևլութ Չավուշօղլուն հայտարարել է, որ իրենք չեն բացառում Թուրքիայի մասնակցությունը Սիրիայի ցամաքային գործողություններին, եթե դրանք մեկնարկվեն Սաուդյան Արաբիայի կողմից: Այս մասին գրում է թուրքական Yeni Şafak-ը:
Աղբյուրը նշում է, որ Չավուշօղլուի խոսքերով` Սաուդյան Արաբաիան արդեն իր օդուժի ինքնաթիռներն է ուղարկում Թուրքիայի Ինջիրլիք ռազմաբազա և առաջիկայում կարող է նաև Թուրքիա ուղարկել իր զինվորականներին:
Ավելի վաղ թուրքական Sabah թերթը սակայն նշել էր, որ տեղեկությունները, թե իբր Թուրքիան պատրաստվում է մասնակցել Սիրիյում ռազմական գործողություններին, չեն համապատասխանում իրականությանը: