Նախարարներն ու մարզպետները շտապում են նախագահի նստավայր. ուղիղ միացում
16:51, ուրբաթ, 12 փետրվարի, 2016 թ.
MAMUL.am-ի թղթակիցը Բաղրամյան 26-ից հայտնում է, որ նախագահականում մեկնարկում է Սերժ Սարգսյանի հրավիրած՝ Հանրապետականների հանդիպումը, որտեղ սպասվում է նախագահի ելույթը. նա տալու է բոլոր հարցերի պատասխանները, այդ թվում՝ ՀՅԴ-ի հետ համագործակցության: Օրենսդիր, գործադիր և դատական իշխանությունների ներկայացուցիչներն այս պահին շտապում են նստավայր: Լրագրողների հարցին՝ տեղյա՞կ եք ինչու ենք Ձեզ կանչել, Շիրակի մարզպետն ասել է՝ ոչ: Դիտարկմանը՝ ինչպե՞ս կարձագանքեք լուրերին, ըստ որի՝ Շիրակի մարզպետի պաշտոնում շրջանառվում է ՀՅԴ թեկնածուի անունը, Ֆելիքս Ցոլակյանը պատասխանել է. «Քաղաքական ինչպիսի որոշում էլ կայացվի, պատրաստ եմ»: Արագածոտնի մարզպետը ևս հայտնել է, որ տեղյակ չէ՝ ինչ հարցեր են քննարկվելու: Դիտարկմանը՝ շրջանառվում է նաև Ձեր հրաժարականի մասին լուրը, պատասխանել է. «Ինչի դուք դրա մասի՞ն եք երազում»: