Առողջապահության նախարարությունը չի ձգձգել մահացած զինվորի բուժման հարցը
16:10, հինգշաբթի, 11 փետրվարի, 2016 թ.
 MAMUL.am լրատվականի թղթակիցը խնդրի շուրջ փորձեց պարզաբանում ստանալ ՀՀ առողջապահության նախարարի մամուլի քարտուղար Անահիտ Հայթայանից: «Այդ մարդիկ նախարարությանը դիմել են 2014 թվականի դեկտեմբերի 1-ին: Հայրը գրել էր, որ որդիս` Աշոտ Այվազյանը, տառապում է ուռուցքային հիվանդությամբ, այն ձեռք է բերել զինվորական ծառայության ընթացքում: Վիրահատվել և ստացել է համապատասխան բուժումներ, սակայն վիճակը վաթարացել է: Մասնագետների կողմից հանրապետությունում հնարավոր չէ իրականացնել բուժումը: Խնդրում եմ ինձ տրամադրել բժշկական եզրակացություն՝ Հայաստանի հանրապետությունում այդ հիվանդության բուժման անհնարինության վերաբերյալ: Իրենք դիմել են մեզ այս հարցով և ըստ դրա առողջապահության նախարարության աշխատակազմի ղեկավարը դիմումն ուղարկել է մեր գլխավոր ուռուցքաբան Հայրապետ Գալստյանին: Զինվորի հայրը ներկայացրել է նաև հիվանդության պատմությունը»: Անահիտ Հայթայանը նշեց, որ Հայրապետ Գալստյանը իրենց շատ կարճ ժամանակահատվածում պատասխանել է: «Հաշվի առնելով երիտասարդ տարիքը, մորֆոլոգիան նշանակվել է կրկնակի հետազոտություն տեղսքաներով, իսկ մեր հանրապետությունում չկա այդ սարքը և ալտերնատիվ բուժում է պետք արտերկրում»: Անահիտ Հայթայանը նշեց, որ իրենց դիմել են միայն այս թուղթը ստանալու համար, քանի որ առանց այս թղթի չէին կարողանա դուրս գալ երկրից: «Իրենք, եթե այս թուղթը չունենային, դեսպանատունը չէր թողնի դուրս գալ, իրենք միայն դրա համար են դիմել: Բոլորն էլ գիտեն, որ նախարարությունը լիազորություններ և ֆինանսական միջոցներ չունի՝ որևէ մեկի՝ արտերկրում բուժման ծախսերը հոգալու համար»,- եզրափակեց նա: |
6696 | 2
