Խնդրում ենք սպասել...

Իրադարձություններ

Սերժ Սարգսյանը խորհուրդ է ստեղծել՝ հանրաքվեից հետո օրենքներում փոփոխություններ անելու համար

19:05, չորեքշաբթի, 10 փետրվարի, 2016 թ.
Սերժ Սարգսյանը խորհուրդ է ստեղծել՝ հանրաքվեից հետո օրենքներում փոփոխություններ անելու համար

Սերժ Սարգսյանը հրամանագիր է ստորագրել նախագահին առընթեր սահմանադրական բարեփոխումների իրավական ապահովմանն աջակցող մասնագիտական խորհրդակցական խորհուրդ ստեղծելու մասին։

Խորհուրդը քննարկելու և օրենսդիր մարմնի հաստատմանն է ներկայացնելու Սահմանադրական հանրաքվեից հետո փոփոխման կարիք ունեցող օրենքների ցանկը։

Հրամանագրով մասնավորապես նշվում է, որ փոփոխություններ են կատարվելու Ընտրական և Դատական օրենսգրքերում, ԱԺ կանոնակարգ, կուսակցությունների մասին, Մարդու իրավունքների պաշտպանի մասին, Սահմանադրական դատարանի մասին, Հանրաքվեի մասին, Տեղական ինքնակառավարման մարմինների մասին, Դատախազության մասին, Հեռուստատեսության և ռադիոյի մասին, Հաշվեքննիչ պալատի մասին, Կենտրոնական բանկի մասին օրենքներում։

Խորհրդի նախագահն է ՍԴ նախագահ Գագիկ Հարությունյանը, դրա կազմում են Դավիթ Հարությունյանը, Հրայր Թովմասյանը, Գևորգ Կոստանյանը, Գագիկ Ղազինյանը և այլք:

12622 | 34
Facebook