ԱՄՆ նախագահ Բարաք Օբամայի` երկրի էլեկտրակայաններից ածխածնի երկօքսիդի արտանետումները կարգավորելու վերաբերյալ ծրագիրը կասեցվել է երկրի Գերագույն դատարանի կողմից: Այս մասին գրում է Reuters-ը:
Աղբյուրը նշում է, որ դատարանը մերժել է Օբամայի` կլիմայական փոփոխությունները կանխելու նպատակով առաջ քաշված «Մաքուր էներգիա» ծրագիրը և մտադիր է այդ հարցով լսել ծրագրին դեմ արտահայտված բոլոր բողոքարկումները:
Նշվում է նաև, որ Միացյալ Նահանգների նախագահի առաջ քաշված ծրագրի համաձայն` էլեկտրակայանների ջերմոցային գազերի արտանետումները պետք է մինչև 2030 թ. կրճատվեն մոտ մեկ երրորդով։ Այդ ծրագրին դեմ արտահայտվողները մեղադրում Օբամային ածխարդյունաբերությանը «պատերազմ հայտարարելու» համար։