«Բարսելոնա»-ի հարձակվող Լիոնել Մեսսին ենթարկվել է երիկամների վիրահատության և արդեն դուրս է գրվել հիվանդանոցից Այս մասին հայտնում են իսպանական ԶԼՄ-ները: Աղբյուրի տեղեկացմամբ՝ Մեսսին վիրահատվել է առավոտյան։ Հիվանդանոցում նրա հետ եղել են կինն՝ Անտոնելան և «Բարսելոնա»-ի բժշկական անձնակազմը։ Բժիշկների կարծիքով՝ ֆուտբոլիստը վաղվանից կվերսկսի մարզումները։ Հավանաբար, Մեսսին կմասնակցի Իսպանիայի առաջնության՝ փետրվարի 14-ին կայանալիք «Սելթա»-ի դեմ հանդիպմանը։