«Բարսելոնա»-ի պաշտպան Դանի Ալվեսը կարող է կարիերան շարունակել Չինաստանում։ Այս մասին հայտնում է իսպանական մամուլը։ Հայտնի է, որ չինացիները ցանկանում են 3 տարվա պայմանագիր կնքել բրազիլացի ֆուտբոլիստի հետ՝ տարեկան 12 մլն եվրո աշխատավարձով։ Մոտ օրերս «Բարսելոնա»-ն պաշտոնական առաջարկ կստանա չինական ակումբից։ Հիշեցնենք, որ Չինաստանում տրանսֆերային պատուհանը փակվում է փետրվարի 26-ին։