«Սինխուա» գործակալությունը հայտնում է, որ Թայվանի Թայնան քաղաքում տեղի ունեցած երկրաշարժի զոհերի թիվը հասնում է 26-ի: «ԲիԲիՍի»-ի հաղորդմամբ էլ՝ փլված շենքերից մեկի փլատակների տակ գտնվում է առնվազն 132 մարդ: Ավելի քան 500 մարդ վիրավոր է, 300-ից ավելիին հաջողվել է փրկել:
Ինչպես ավելի վաղ հայտնել էինք, 6,4 մագնիտուդ հզորությամբ երկրաշարժ է տեղի ունեցել Թայվանի՝ բնակչության թվով 4-րդ քաղաք Թայնանում: Կղզին գտնվում է սեյսմաակտիվ գոտում, երկրաշարժերն այստեղ հաճախադեպ են: Վերջին ավերիչ երկրաշարժը՝ 7,6 մագնիտուդով, այստեղ տեղի է ունեցել 1999-ին: