Խնդրում ենք սպասել...

Իրադարձություններ

«Իշխանությունն իրավունք չունի ուսուցիչներին խուժանի հետ հավասար ներգրավելու ընտրակեղծիքների գործին». Արամ Մանուկյան

14:36, երեքշաբթի, 02 փետրվարի, 2016 թ.
«Իշխանությունն իրավունք չունի ուսուցիչներին խուժանի հետ հավասար ներգրավելու ընտրակեղծիքների գործին». Արամ Մանուկյան
     ԱԺ-ում քննարկվում է բարձրագույն և հետբուհական կրթության օրենքում փոփոխություններ կատարելու մասին նախագծի փաթեթը երկրորդ ընթերցմամբ ընդունելու հարցը: Նախագծով հստակեցվելու է նպատակային ընդունելության մեխանիզմները՝ ըստ աշխարհագրական տեղակայության: Նախագիծը վերաբերում է մանկավարժությանը, գյուղատնտեսությանը, բժշկագիտությանը:
     ՀԱԿ խմբակցության պատգամավոր Արամ Մանուկյանն իր ելույթում ասաց, որ այն համակարգը, որտեղ փորձում ենք քայլեր կատարել, հիվանդ է, քաղաքականացված, օգտագործվում է իշխանության կողմից: «Դեկտեմբերի 6-ին կրթական համակարգն ընդգրկված էր կեղծիքների մեխանիզմին, ուսուցիչները լծվել էին ՀՀԿ-ի քաղաքական պատվերն իրականացնելուն: Մեր արձանագրած հարյուրավոր կեղծքիներին մասնակից են եղել ուսուցիչները: Իշխանությունն իրավունք չունի ուսուցիչներին խուժանի հետ հավասար ներգրավելու ընտրակեղծիքների, դեբոշների, լցոնումների գործին: Սա ֆիքսել են միջազգային կառույցները»,- ասաց Մանուկյանը:
     Անդրադառնալով բուհերի խնդրին՝ պատգամավորն ասաց, որ մեր բուհերը, ուսանողները, ռեկտորները քաղաքականացված են. «Փորձի որևէ ուսանող, դասախոս, համակարգից դուրս գա, մի քայլ անի, հոդված գրի, ինտերվյու տա, չկա տենց բան: Ամեն ինչ գտնվում է քաղաքական ճնշումների տակ»:
5695 | 4
Facebook