Թուրքիայի Այդին քաղաքում շարունակվում է բժշկի դեմ տարվող դատական գործընթացն, ով մեղադրվում է Թուրքիայի նախագահ Ռեջեփ Էրդողանին «Մատանիների տիրակալը» ֆիլմի հերոսներից մեկի՝ Հոլլումի հետ համեմատելու համար: Բժիշկ Բիլգին Չիֆթչին համեմատական լուսանկարների շարքը տեղադրել էր ֆեյսբուքյան իր էջում, ինչի պատճառով անմիջապես հեռացվել էր աշխատանքից ու հայտնվել դատական քաշքշուկների մեջ: Նրա իրավապաշտպանները պնդում են, որ Հոլլումը ֆիլմում բացասական կերպար չէ: Սակայն եթե կինոփորձագետներն ու հոգեբաններն ապացուցեն, որ կինոհերոսի հետ համեմատությունը անարգանք է նախագահի հասցեին, ապա նրան սպառնում է մինչև 3 տարվա ազատազրկում: