Ինդոնեզացի քննիչները հայտնել են մալայզիական Air Asia ավիաընկերությանը պատկանող Airbus A320 օդանավի կործանման պատճառը:
Քննության վարկածով` ողբերգության պատճառը բորտային համակարգիչների անսարքությունն ու անսարքությունը շտկել փորձող անձնակազմի սխալն է եղել: «Անձնակազմի գործողությունները հանգեցրել են նրան, որ օդանավը շեղվել է նորմալ ընթացքից, որից հետո անձնակազմը չի կարողացել շտկել այն»,- ասվում է քննիչների հայտարարության տեքստի մեջ:
Հիշեցնենք, որ մալայզիական Air Asia ավիաընկերությանը պատկանող Airbus A320 կործանվել է անցած տարվա դեկտեմբերի 28-ին, Կալիմանտան կղզու մոտակայքում` Յավա ծովում: Օդանավում 162 մարդ է եղել: