Մադամ Թյուսոյի թանգարանի արձանների շարքը համալրել է նաև «Victoria's Secret» հայտնի բրենդի ամենահայտնի «հրեշտակներից» մեկի` ֆոտոմոդել Ադրիանա Լիմայի արձանը (Լիման հանդիսանում է վերոհիշյալ բրենդի հետ դրա պատմության ընթացքում ամենաերկար համագործակցություն ունեցած ֆոտոմոդելը):
Ինչպես գրում է «Դեյլի Մեյլ»-ը, 34-ամյա գեղեցկուհու մոմե արձանը հայտնվել է թանգարանի նյույորքյան մասնաճյուղում: Արձանի բացման հանդիսավոր արարողությանը ներկա է եղել հենց ինքը` Լիման:
Արձանը ստեղծվել է Լիմայի գրավիչ կերպարներից մեկի հիման վրա` ալ-կարմիր ներքնազգեստով, որը ֆոտոմոդելը ցուցադրել է «Victoria's secrets»-ի` 2013թ-ի ցուցադրության ժամանակ: