Իրադարձություններ

     «Որքանո՞վ կարող ենք գարանտ ունենալ, որ նոր Սահմանադրությունը կկատարվի, որովհետև, եթե իշխանությունը լեգիտիմ լիներ, կհամաձայնեի ձեզ հետ, բայց այն լեգիտիմ չէ»,- Եղվարդում դիմելով «Այո»-ի ճակատի անդամներից Արծվիկ Մինասյանին՝ հարցրեց քաղաքացիներից Վիգենը: «Լեգիտիմության չափանիշի գնահատման տեսակետից գոյություն ունեն տարբեր տեսակետներ: Լեգիտիմություն է ոչ միայն այն, որ համարում եք ընտրություններն արդար կամ ոչ, նաև այն, որ հասարակությունն ընդունում է այս անձանց՝ իշխանություն կամ ոչ: Եթե ընդունում եք, որ ՀՀ նախագահը Սերժ Սարգսյանն է, նրա բերած նախաձեռնությունը քննարկում, պետք է համարեք, որ, այո՛, լեգիտիմ է»,- ասաց Մինասյանը՝ հավելելով, որ նոր Սահմանադրությունը նախատեսում է իշխանության պատասխանատվություն, ընդդիմությանը տալիս հնարավորություն՝ օգտագործելու այդ լծակը:
     Քաղաքացին արձագանքեց. «Մեր հասարակությունն էս ճահճի ամենատուժածն է, իսկ իրական դաշնակները սաղ «Ոչ»-ի կողմնակից են: Ծյունինգ արված դաշնակները՝ փողի համար քծնվող են, բոլորը գնում են իշխանության տակ»:
     Արծվիկ Մինասյանը վրդովվեց. «Ծյունինգ արածը դու ես, երիտասա՛րդ, շոու մի՛ արա, հայտնիր կարծիքդ, բայց չփորձես վիրավորել»: