«Հայաստանի հեռուստաընկերություններն ընդդիմադիր ձայներին բլոկադա են արել, սա հնարավորություն է՝ ազատ եթեր մտնելու ու նաև բնակիչների հետ շփվելու,- «Այո և Ոչ» հեռուստանախագծի եթերում չարենցավանցիների հետ հանդիպման ժամանակ ասաց «Ոչ»-ի ճակատի անդամ Արմեն Մկրտչյանը:
Անդրադառնալով սահմանադրական փոփոխությունների փաստաթղթին՝ վերջինը նշեց, որ դա լուրջ փաստաթուղթ է, բայց չունի երաշխիք: «Առաջ ասում էին մեծամասնականով օլիգարխներ էին անցնում, բայց առաջարկվող համամասնականով էլ են անցնելու: ԱԺ անցնելու համար օլիգարխն ինչի՞ համար է, նրա, որ ձայներ բերի»,- ասաց նա:
«2018-ին Սերժ Սարգսյանի կառավարման ժամկետն ավարտվում է, դրա համար պետք է մեխանիզմ, որ նա մնա կուսակցության նախագահ, բայց իշխի պետական ապարատներին, նշանակումներն ինքն անի ու պատասխանատվություն չկրի»,- հավելեց Մկրտչյանը:
Չարենցավանցիներից մեկն արձագանքեց. «Իմ համար մեկ ա՝ կառավարության անունը կլինի Հանրապետական, Դաշնակցություն, թե Ժառանգություն, ինձ պետք ա, որ ես լավ ապրեմ, օրենքն աշխատի»: