ՌԴ արտգործնախարար Սերգեյ Լավրովը հայտարարել է, որ ռուսական ՍՈՒ 24 կործանիչի խոցումը ցույց է տալիս, որ Անկարան անցել է թույլատրելի բոլոր սահմանները: Այս մասին գրում է «ՌԻԱ»-ն:
«Մենք կարծում ենք, որ Անկարան, անցնելով բոլոր սահմանները, վտանգում է Թուրքիայի անվտանգությունը` մեծացնելով դրա` ազգային շահերի և տարածաշրջանային հարցերի տեսանկյունից ծայրահեղ իրավիճակում հայտնվելու հավանականությունը»,- հայտարարել է Լավրովը` սիրիացի իր գործընկերոջ` Վալիդ Մուալլեմի հետ հանդիպման ընթացքում:
Նշվում է նաև, որ անձամբ Մուալլեմը Թուրքիայի այդ քայլը ռազմական հանցագործություն է անվանել: