«Փյունիկ» ֆուտբոլային ակումբի նախագահ Ռաֆիկ Հայրապետյանը հանդես է եկել հայտարարությամբ՝
«Վերջին շաբաթում տեղի ունեցած միջազգային իրադարձությունների հետ կապված` «Փյունիկ»-ը հրաժարվում է ձմեռային դադարի ընթացքում ուսումնամարզական հավաք անցկացնել Թուրքիայի տարածքում: Նախնական բանակցային բոլոր գործընթացները չեղյալ են համարվել: Այլընտրանքային տարբերակները քննարկվում են, որոնց մասին կլինի լրացուցիչ հայտարարություն»,- նշված է հայտարարության մեջ։
Հիշեցնենք, որ Անթալիայում ուսումնամարզական հավաք անցկացնելուց երեկ հրաժարվել է նաև «Շիրակ»-ը։